Davao City – Karong adlawa mao ang ika-120 ka tuig sa adlaw sa atong kagawasan sukad nakalingkawas kita gikan sa panakop sa Kastila, Amerika, ug Hapon.
Daghan ang nagsakripisyo sa kinabuhi aron atong maangkon ang kagawasan gikan sa mga langyaw nga buot muhari ug musakop sa pinanggang Pilipinas pipila na ka siglo ug dekadang nakalabay.
May kagawasan man kita karon apan nagpabilin gihapon nga binilanggo ang kadaghanan kanato dili sa pagpanakop sa mga langyaw apan sa tumang kapobrehon ug kalisod sa kinabuhi.
Ang ugat hinungdan nganong binilanggo gihapon ang mga Pilipino kanan tungod sa 1987 Philippine Constitution kay gilimitahan niini ang mga langyaw nga mamuhonan dinhi sa nasud.
Ang 1987 Philippine Constitution nahimugso sa panahon ni Late President Cory Aquino diin tungod ani natiurok ang ekonomiya ug mikuyanap ang kapobrehon sa tibuok nasud, suma ni Candido Aparece Jr.
Alang ni Aparece, ang tinuod nga kagawasan nagpanukad sa kalingkawasan gikan sa tumang kapobrehon ug kalisod ug pag-angat sa kinabuhi sa mga Pilipino.
Sigun ni Aparece, dakong tabang ang Buil, Build, Build Program sa kagamhanan karon aron mapakusgan ug mapalig-on ang mga industriya nga maghatag og igong panginabuhian ug pag-uswag sa mga pinoy.
Hangtud dili maharuhay ang kinabuhi sa mga Pilipino magpabilin nga artificial ang selebrasyon sa adlaw sa kagawasan karong adlawa.
Ang pakighigala sa pamuno-nasud sa mga kanasuran dalan sa katumanan sa pagpundar og maayong kaugmaon ug paghatud paingon sa tinuod nga kagawasan nga gikinahanglan sa mga Pilipino.
Kung magmalampuson si Pangulong Duterte sa pakigsuod sa daghang nasud daghan unyang mga langyaw ang maagni sa pagbuhos sa ilang mga negosyo dinhi sa Pilipinas nga mupalambo sa ekonomiya.
Sanglit ang tinuod nga mibilanggo sa kasamtangan nga panahon dili naman ang invasion sa kanasuran inay mao naman ang kawad-on busa sakto lang pasudlon ang mga langyaw’ng negosyante sa nasud.
Ug aron wala nay babag sa pagsulod sa mga langyaw panahon aron gun-ubon ang dunot nga 1987 constitution kana kung buot daw nato makaangkon sa tinuod nga kagawasan.
Mga kasama, temporaryo lang ang atong kagawasan dinhi sa kalibutan tungod ang labaw natong tinguhaon mao ang ispirituwal nga kalingkawasan gikan sa silot kamatayon didto sa impiyerno.
RadyoMaN Joel Viray
