Sarangani Province—Gikansila na sa lokal nga panggamhanan sa Sarangani ang Selebrasyon sa Sarangani Bay Festival 2017.
Gibutyag ni Sarangani Governor Steve Chiongbian Solon nga tumong sa ilang pagkansila sa selebrasyon nga isaulog unta karong adlawa Mayo 25 hangtud sa petsa 27 isip suporta sa pag deklara ug Martial Law ni Pangulong Rodrigo Duterte ug isip pakigsimpatiya sa mga naapektuhan sa kagubot nga natigayon sa Marawi City human nga gisulod sa Mauti Group ug labaw sa tanan masiguro ang siguridad sa katawhan sa Sarangani.
Dugang pag butyag ni Governor Solon nga dili nila mahimong mag selebrar ug mag lipay-lipay nga adunay mga tawo nga nakasinati ug pagpangharass sa mga armadong grupo.
Dungan sa pagkansela ug Sarangani Bay Festival 2017 gipaniguro sa Gobernador nga ilang han ayon ang tanang posibling maapektuhan hilabi na ang mga private sectors nga aduna usay aktibidad sa Sarangani Bay Festival.
Nasayran nga kagahapong adlawa dungan sa pressconference nga gipasiugdahan sa Lokal nga panggamhanan sa Sarangani nagpatawag usab ug meeting ang Festival Organizer ngadto sa tanan nilang partners aron hisgutan ang kansilasyon sa makonsiderang pinakadakong beach party sa Minadanao.
