Davao City – Kinahanglan nga estriktong mag-isolate ang usa ka tawong nagpositibo sa Coronavirus Disease 2019 (COVID-19), samtang nagpaabot pa kining kuhaon sa balay aron dalhon sa hospital o isolation facility.
Matud ni Dr. Ashley Lopez, City Health Office (CHO) Acting Head (sa interbyu sa city-owned radio), gibutyag niini nga aduna gayu’y pagkadelatar sa pagkuha sa mga nagpositibong indibidwal tungod sa daghang kaso nga matala matag adlaw sa dakbayan.
Segun ni Lopez, mamahimong mag-isolate sa balay ang usa ka nagpositibo bisan og mild lamang o asymptomatic kini o walay gibating simtomas sa COVID-19.
“Samtang, nagapaabot ‘ta sa instruction of transport, we can do self-isolation labi kung naa ‘tay kaugalingon nga kwarto sa balay or naa ‘tay isa ka space diha nga pwede natong temporarily i-isolate atong kaugalingon, atoa na siyang buhaton,” sulti ni Lopez.
Gipasabot sa health official nga ilang prayoridad sa pagkuha, ang mga emergency cases o kadtong severe o critical sa COVID-19 aron dayon kini mahatod sa balay tambalanan.
RadyoMaN Kirby Manzon
