Selos

Selos el causa si porque con el un 24 anios persona si Rustom Bejerano, ya mata el antes marido del su nobya na Enriquez Compound, San Roque del Webes por la noche.
Asegun con el nana del victima si Rosalita Bejerano ya mira le si quemanerabya tira consu anac afuera lang del diila casa sercanman alas 6 del noche.
Asegun ya man standby pa na tienda del diila familia el dos criminal y ya compra pa serbesa y mismo si Rosalita el ya alcansa con el dos botelya del serbesa que aquel tiempo talya le na riemda.
Pero cuando ya sale afuera del diila casa si Rustim para dale come con su gallo y para ase encuentro conau tata, derepente el dos criminal ya atraca cunele y mismo el antes marido del su nobya amo ya tira con Rustom.
Cuando para escapa ya el criminal junto consu uban ya precura ase apas si Rosalita pero hasta conele ya planta pusil el uban del criminal.
El criminal amo el quien ya maneha con el diila scooter motorsiclo.