Selos gilantaw nga motibo sa Tugbok shooting

81

Davao City – Posibleng selos ang hinungdan sa nahitabong shooting incident nahitabo sa may Sitio Basak, Tugbok district ning siyudad kun diin gikamatay sa usa ka babaye ug sa usa ka retired police samtang samdan ang asawa niini.

Gisulayan sa DXDC News Team og kuha ang bahin sa pamilya apan nagdumili kini sa paghatag diin ila nang gihatag sa mga otoridad ang pag-atiman sa imbestigasyon.

Nasayran nga sa milaby’ng mga semana, na priso ang asawa ni Ret. P/Supt. Rey Aguiling sa kasong adultery sa Tugbok PNP diin naabtan matud niini nga misulod sa usa ka balay sa Deca Homes kuyog ang gitoohang kapuyo niini hinungdan nga gisikop ang asawa lakip ang lalaki nga si alyas Cardo.

Nakagawas matud pa ang asawa niini tungod naka piyansa ug nakauli adlaw’ng Sabado, ala-1:00 sa hapon.

Gani sa susamang adlaw, miabot matud pa ang bana ug nakurat nalang ang mga nanimuyo sa kasikbit nga mga balay tungod sa singgit sa usa ka babaye nga gisundan sa lima ka buto sa armas de fuego.

Didto na mibungad ang duha ka patay sa sulod sa maong panimalay.

Samtang sa pagkakaron, ginahulat pa usab sa Tugbok PNP ang bahin sa kabanay sa kanhi pulis og unsa ang ilang plano gumikan away pamilya ang maong insidente.

RadyoMaN Paul Canono

Facebook Comments