Suma ni Baliok PNP Police Major Romeo Mapanao nga tumang ka selos ang nagtukmod kang kanhi Davao Caap Manager Frederick Gerona San Felix aron iyang pusilon ang kapuyo nga si Alyas Jane diin nadamay ang helper kinsa pulos nagpuyo sa Susana homes, Baliok ning siyoudad 10:45 sa buntag gahapon adlawa.
Segun ni Mapanao, mi-ulbo ang away sa duha nga misangko sa panaglalis ug sa dihang misuway og uwang ang ilang helper nga si Catherine Langgam misulod sa kwarto si San Felix ug mikuha og usa ka gloc .40 caliber ug paggawas didto na gigukod na gipamusil sa suspek ang duha ka biktima hangtud sa gawas sa ilang panimay.
Giingong on-this-spot patay si Jane gumikan sa tama pinusilan sa lawas niini samtang gidala sa ospital si Catherine.
Matud ni Mapanao, makadaghan nang higayon gihusay sa Barangay Baliok ang mag-live-in partner nunot sa pagpamubho niini ngadto sa biktima.
Gilayon nadakpan sa kapulisan ang suspek ug gikatakda pasakaan og kasong murder ug frustrated murder sa piskalya karong adlawa ang suspek ug samtang ginasuta pa sab karon kon lisensiyado ba o dili ang gigamit nga armas ni San Felix kinsa tingkagol karon sa Baliok PNP.
RadyoMan Joel Viray
