Posibleng away sa ama-ama ug inahan sa bata nga gitagud-tagud kaniadtong miaging kadlawun sa Sitio Sto. Niño Barangay Tres de Mayo, Digos City ang hinungdan sa pagtigbas sa makadaghang higayun sa trese anyos nga dalagita hinungdan sa kamatayon niini.
Kini ang sigun ni Police Senior Escueta sa Digos PNP atol sa interview sa DXDC RMN Davao diin dunay giselosan matud pa ang lalaki nga giilang si Anthony Calamiyong David ug posibleng didto sa batang biktima nga giilang si Maricel Rosalita Susmeña ang nahinaykan sa gibati niini.
“According sa investigator nga parang nagselos daw ang lalaki sa mama ng bata, may pinagselsosan, siguro pinagbuntunan ang bata, parang ing-ana ang storya. Sa galit niya siguro kay nilakaw man ang mama kay kwaon ang isa ka anak sa may Cotabato, naay misunderstanding daw, ang nabilin katong 13 years old nga bata siguro didto niya gibunton iyang kasuko,” sigun ni PSI Escueta.
Kahinumduman nga patay nang nakaplagan ang trese anyos nga bata sulod sa balay nila samtang human nga gihimo sa suspek ang krimen, nagpakamatay usab kini pinaagi sa pag inom og hilo og pag bigti gamit ang habol.
Sa karon, ginahulat pa sa kapulisan ang resulta sa eksaminasyon kun gihimo nga swabbing sa Scene of the Crime Operatives kun SOCO og nahilabtan ba sa suspek ang bata.
RadyoMan Renz Barbarona
