Davao City – Gidunggab-patay ang usa ka 18 anyos nga lalaki sa Brgy. Little Baguio, Malita, Davao Occidental tungod matud pa sa selos alas 3 sa kadlawun kagahapong adlawa, Mayo 27.
Sa report gikan sa Malita Municipal Police Station, giila ang biktima nga si Jimboy Tungkayan Bago nga taga Brgy. Lagumit, Malita samtang ang suspek giilang si Jimbo Alon Colina, 20 anyos ug residente gihapon sa Brgy. Lagumit diin matud pa selos ang motibo sa nahitabong insidente.
Subay sa imbestigasyon nga samtang natulog biktima ug ang witness nga si Renieboy Tanding, nadungog niini ang kusog nga ginhawa ug didto niya nakita nga nagkadugo na ang biktima samtang ang suspek daling misibat gawas sa balay.
Narekober sa crime scene ang usa ka punyal nga adunay gitas-on nga 10 inches.
Hinuon nasikop sa otoridad ang suspek ug gikustodiya na sa Malita MPS samtang patayng lawas sa biktima anaa na sa Novis Funeral home sa nasangpit nga munisipalidad.
RadyoMaN Renz Barbarona
