Sa interview sa DXDC RMN Davao kang Police Lieutenant Colonel Jeffrey Latayada, Office-In-Charge sa Tagum City Police Station, iyang giila ang biktima nga si Giovanni Obida, 34-anyos, usa ka waiter ug residente sa Barangay East, Tagum City.
Saysay sa igsoon sa biktima nga si Maymona Obida nga nakaksi sa insidente, igo lamang nga nag-inom ang iyang igsoon uban ang uyab niini nga si Euneza Ayala, 21 anyos sa dihang kalit lang miabot nga nagdala’g kutsilyo ang suspek nga si Jefty Castora, 31 anyos ug gidunggab ang biktima igo sa iyang wala nga siko, nga dali usab nga gidala sa Davao Regional Medical Center (DRMC) sa Barangay Apokon. Samtang dali usab nga miikyas ang suspek human sa insidente.
Nasayrang kanhi karelasyon sa suspek ang uyab sa biktima nga si Ayala, ug selos ang usa sa ginalantaw nga rason sa krimen.
RadyoMaN Kirby Manzon
