Davao City- Selos ang hinungdan og nganong gibunalan sa nawong resulta sa pagkapatay sa usa ka lady guard sa Barangay Dumoy syudad sa Davao niadtong adlawng Sabado.
Kini ang giangkon sa suspek nga giilang si Arnold Campillo kinsa naaresto sa Talomo PNP diin karong adlawa siya mibutyag nga nanguyab kini sulod sa duha ka bulan apan wala kini sugta sa biktimang si Arlyn Sabpa, 30 anyos, minyo, lumad nga taga Kidapawan.
Sa pakighinabi sa Davao media sa suspek, giangkon niini ang krimen nga iyang nabuhat gumikan nagselos kini ug dili siya gusto nga dunay laing lalaki ang biktima.
Kahinumduman nga napalgang patay ang lady guard sa gitrabahuan niini nga surplus sa mga sakyanan sa nasangpit nga lugar nga dunay bun og sa mga nawng ug maoy gituohang hinungdan sa pagkamatay niini.
Samtang gisulti usab ni Talomo PNP Chief of Police PCI Ronald Lao nga gikunsidera na nila kining case closed gani unyang hapon gikatakda na nga i-file ang kasong murder batok sa suspek.
RadyoMaN Renz Barbarona
