Magabukas na subong nga adlaw ang 117th Semana sang Iloilo pinaagi sa isa ka misa sa Provincial Capitol.
Magalawig ang selebrasyon tubtub sa abril 13 nga may tema “Iloilo: banwang pinili, banwang hamili”.
Mangin highlight sang selebrasyon ang tourism trade fair and exhibit nga hiwaton sa Casa real ; garden show sa capitol grounds kag sports events kasubong sang chess, badminton kag ball games.
Sa abril 11, pagahiwaton ang rescue olympics nga pasakupan sang mga responders gikan sa nagkalain-lain nga kabanwahanan.
Kadungan sini, iga-turn over sang probinsya sa national museum ang ginkay-o nga IIoilo Rehabilitation Center nga pagahimuon nga Western Visayas Regional Museum.
Sa Abril 12, igalunsar ang QR code para sa turismo sang probinsya sang Iloilo kag sa hapon, paga-inagurahgan ni Governor Arthur Defensor ang bag-o nga pasilidad sa Iloilo Provincial Hospital sa banwa sang Pototan.
