Davao City – Gipaniguro sa Southeastern Mindanao Diversified Drivers & Operators Cooperative (SEMDDOC) nga dili nila suportahan ang administrasyon sa umaabot nga 2022 National Elections.
Sa interbyu sa DXDC RMN Davao kang Maning Duran, SEMDDOC President, gisaysay niini nga dako ang epekto sa ilang panginabuhian ang paglusad sa Local Government Unit (LGU) sa Davao sa High Priority Bus System (HPBS) diin tungod sa maong proyekto, hinay-hinay na nga nag-phase out ang traditional Public Utility Jeepneys (PUJs).
“Among huna-huna karon, dili na gyud ‘mi muboto sa administrasyon labi na nga adunay phase nga ginaduso karon sa atong mayora, Mayor Sara Duterte. Iyang gi-implement ang High Priority Bus System (HPBS) diri (sa Davao City),” sulti ni Duran.
Nahisubo si Duran nga mas gihatagan pa og pabor sa gobyerno ang kapitalista nga mga Chinese ug wala na nahatagan og pagtagad ang mga yanong tawo nga maoy nagpadaug kanila, nga mga milingkod karon diha sa panggamhanan.
RadyoMaN Kirby Manzon
