Sa interview sa DXDC RMN Davao kang Maning Duran, Presidente sa SEMDDOC, iyang gisulti nga walay miyembro ang maong grupo sa Visayas ug Mindanao, rason nga walay laumang transport strike partikular na dinhi sa syudad sa Davao o Davao Region.
Matud sa grupong Manibela, ilang ipadayon ang ilang transport strike sa Lunes, luyo sa pagsuspende kang Land Transportation Franchising and Regulatory Board (LTFRB) chairman Teofilo Guadiz III tungod sa isyu sa kurapsyon.
“Lahi na ilang panawagan kay ang kung kami manawagan, nagasabot mi kay organisasyon man gyud mi nga tinuod. Kana sila (Manibela), organisasyon (sila) pero usa ra mana ka chapter sa Manila. Kung mag-strike, mag-strike sila. Walay problema. Makita man na kung daghan og mouban nila,” matud ni Duran.
Matud ni Duran nga ilahang gikalipay ang dakong rollback sa presyo sa produktong petrolyo kagahapon, Oktubre 10, 2023 ug unta kini magpadayon. Dugang niya nga posibleng mamahimong rason sa paghimo og strike sa SEMDDOC kung magsunod-sunod na ang oil price hikes, apan ang maong lakang kinahanglang masabutan sa tanang miyembro sa organisasyon.
RadyoMaN Kirby Manzon
