Gibutyag ni SEMDDOC President Maning Duran, dili na nila ma-agwanta pa ang sunod-sunod nga oil price increase sa mga kompanya sa lana sa nasod.
Matud ni Duran, kung mokasa og tigil-pasada ang ilang counterpart nga mga transport sector sa Metro Manila, hayan moduyog usab ang ilang grupo dinhi sa Mindanao.
Gi-usab na ni Duran, ang una nilang barugan nga dili mosalmot sa transport strike sa mga nakalabay’ng katuigan sa punto nga dili nila buot maapektohan ang lungsoranon sa ilang pagabuhaton nga tigil pasada.
Tungod sa sunod-sunod nga oil price increase ug nahimong inutil ang gobyerno sa pagsanta sa mga oil companies, dili na usab makatugot ang SEMDDOC nga magpakahilom ug wala sila’y buhaton. Matud niya, mao na kini ang rason nila sa pagsalmot sa himoong tigil pasada sa ilang mga counterpart nga organisasyo sa kaulohan.
RadyoMaN Joel Viray
