Segun ni SEMDOCC President Maning Duran nga ilang timan-an ang nawong sa mga pulitiko nga mi-uyon wagtangon ang tradisyonal panakayan sa nasud aron ilang baslan pag-abot sa bugnong lugaynon.
Matud ni Duran, adunay igong kapasidad ang sektor sa transportasyon nga makapapildi sa mga pulitiko nga magpapili sa partikular nga posisyon.
Giingon sa maong lider, nagkahiusa karon ang mga organisasyon sa transportasyon sa nasud karon nga dili nila botaran ang mga pulitiko nga pabor mawagtang sa kadalanan ang PUJ isip balos sa ilang gibuhat batok sa mga drivers ug sa mga operators.
Karon palang, mukabat na sa 70 porsento sa pampublikong panakayan ang wala na magbiyahe ug 30 porsento nalang sa ilang mga ginsakpan ang mipadayon og pamasada karon nga diriktang mi- epekto sa public commuters.
Gipalanog pa niini nga bisan tuod og nahiubos sila sa kagamhanan tungod sa isyu sa phaseout, apan dili musalmot ang ilang grupo sa usa ka semana nga nationwide transport strike karong adlaw’ng Lunes.
RadyoMaN Joel Viray
