Davao City – Gikumpirma sa Southeastern Mindanao Diversified Drivers & Operators Cooperative (SEMDDOC) nga kasagaran sa mga Public Utility Jeepney (PUJ) Operators wala na nagabiyahe gumikan sa sitwasyon sa COVID-19 (Coronavirus Disease 2019) pandemic.
Sa interbyu sa DXDC RMN Davao kang Maning Duran, SEMDDOC President, gibutyag niini nga mas malugi ang mga operators tungod gamay lang ang kita gumikan sa gamay’ng makarga nga pasahero ug aduna pa silay maintenance sa ilang sakyanan.
“Kasagaran sa atong mga PUJ operators karon wala nalang gyud gipadagan ang ilang sakyanan kay wala man gyoy kita. Kung imong padaganon ang imong sakyanan, malugi na hinuon, makatapal ka pa. Maayo pa’g dili padaganon,” segun ni Duran.
Hinuon nasabtan ni sa SEMDDOC President nga gamay lang usab ang nagagawas nga tao gumikan sa kampanya nga ‘stay-at-home’ batok sa COVID-19. Mipadayag usab og suporta ang SEMDDOC President sa gobyerno sa mga lakang niini aron mabatokan ang COVID-19.
RadyoMaN Kirby Manzon
