Davao City – Labing apektado gihapon sukad sa pagdeklara sa outbreak nunot sa COVID-19 ang sektor sa transportasyon.
Sa interbyu sa RMN Davao kang Southeastern Mindanao Diversified Drivers Operators Cooperative (SEMDDOC) President Maning Duran, sagad gihapon sa mga drayber sa pampublikong panakayan partikular na sa mga jeep, wala gihapon makabawi sa ilahang lugi sa ginapatumang physical distancing.
Karon nga nagpabilin gihapon sa Modified General Community Quarantine ang syudad, kinahanglang mutuman ang tanan sa heath protocols kung anaa sa gawas.
“Naa na sa ilaha kung dili sila mutuman ug gusto sila magkasakit. Kanang gitudlo nila sa ato kaayuhan mana nato diku lang man na kaayuhan nila, so sundon gyod nato. Kay ang mga doktor lang ang nakabalo kung unsaon,” segun ni Duran.
Gitinguha ni Duran nga aduna nay bakuna o tambal sa COVID-19 kay dili mulahutay ang kwarta sa gobyerno para sa ayuda sa mga displaced niining pandemya.
RadyoMaN Aimee Guinita
