SEMDOCC: Diskwento sa kada litro sa produktong petrolyo gipanawagan

Davao City – Diskwento sa kada litro sa produktong petrolyo kini ang gipanawagan sa grupo sa Southeastern Mindanao Diversified Drivers & Operators Cooperative (SEMDDOC) nunot sa sunod sunod nga pagsaka sa presyo.

Sa interview sa DXDC RMN Davao kang Maning Duran, Chairman sa SEMDDOC gisulti niya nga dili nalang fuel subsidy ang ihatag sa mga Public Utility Vehicle (PUV) driver tungod dili tanan drayber ang nakabenepisyo sa maong ayuda.

Segun ni Duran, kaniadto anaa sa 1.50 sentabos ang diskwento kada litro ug matod niiini mas maayo nga himuon og 5 pesos ang diskwento kada litro tungod sa pagsaka sa presyo sa gasolina.

Pabor usab kini sa gisugyot sa kongreso nga tulo ka bulan nga suspensyon sa fuel excise tax. Gipasabot sa opisyal nga wala pay plano ang SEMDDOC nga mo file og petisyon alang sa fare increase sa mga pampublikong sakyanan.

Ika onse na nga hugna sa oil price karong adlawa Siyeptembre 19,2023 ug kini maoy presyo sa produktong petrolyo.

πŸ“ŒPremium 67.87 per liter
πŸ“ŒUnleaded 66.87 per liter
πŸ“ŒDiesel 67.47 per liter
πŸ“ŒKerosene 82.76 per liter

RadyoMaN Don Pulayao

Facebook Comments