Davao City – Subling giklaro sa Southeastern Mindanao Diversified Drivers and Operators Cooperative (SEMDDOC), dili gihapon sila mangayo og usbaw sa pletehan, bisan paman og nagsunod-sunod na ang pagsaka sa presyo sa produktong petrolyo.
Sumala ni SEMDOCC President Maning Duran, nagpatigbabaw pa gihapon ang ilang kaluoy sa mugnaong epekto sa publiko kung mangayo sila og dugang umento sa pamasahe sa tanang mga pampublikong sakayanan.
Segun ni Duran, inay mangayu sila og usbaw sa pletehan, ila na lamang awayon ang Oil De Regulation Law, kay mao kini ang naghatag og kalisud sa katawhan ug malungtaron ang solusyon diha sa suliran sa oil price increase, pinaagi sa pagrepeal sa maong balaod. Matud niya kung mahitabo kini, makalingkawas na ang mga commuters sa taas nga pamasahe karon.
RadyoMaN Joel Viray
Facebook Comments
