Nagtuga sang kakibot sa mga residente sang Eastern China ang pagkadula sang halos 800-metros nga kalabaon sang kongkreto nga dalan sa sulod lamang sang isa ka gab e.
Nagalibog ang ulo sang mga residente sang isa ka barangay sa Suqian, Jiangsu Province, bangud pagsilak sang adlaw wala na ang sementado nga dalan kag ang nabilin amo ang batuhon nga pondasyon sini.
Natukiban sa imbestigasyon nga isa ka residente nga nagahingalan kay zhu ang nagbungkal sang semento sang dalan agud ibaligya sa mga contractors.
Nagabalor abi sang $1.60 ang balor sang tonelada sang semento nga ginagamit nga panambak sa mga construction sites.
Ginsiling ni Zhu nga ginbungkal niya ang dalan gamit ang digging machine agud makuha ang semento kag ibaligya.
Bangud sini ginkasuhan si Zhu sang pagpangawat.
