Davao City – Nagpatala sa kapulisan ang usa ka Dennis Laput Tan, 29 anyos tungod lahi na nga patay’ng lawas ang anaa sa lubnganan sa iyang inahan.
Gireklamo niini partikular ang management sa Roman Catholic Cemetery nga nahimutang sa may Upper Mapado Brgy. 8-a ning syudad.
Nireklamo ang maong complainant gumikan wala kini giabisohan sa management nga gibalhin na diay sa laing lubnganan ang patay’ng lawas sa iyang inahan.
Gidugang ni Tan nga miaging bulan buot unta nilang ibalhin ug i-plastar ang nipanaw nila nga inahan ngadto sa Davao Memorial Park apan wala kini gitugtan sa maong sementeryo.
Matod ni Tan wala misunod ang maong sementeryo sa ilang rental of contract hinungdan iyang gipatala ang maong insidente aron mamahimong basehan kun buot niya pasakahan og kaso ang management sa nahisgutang sam-ang.
RadyoMaN Paul Canono
