Sa interview sa DXDC RMN Davao kang Prof. Ramon Beleno III, gibutyag niini nga posibleng usa gihapon kini ka political strategy tungod kwestyunable ang pagbuhi ni Angara isip senador aron pamunuan ang DepEd ilabi pa nga ang iyang komitiba, lakip sa naggunit sa hisgutanang economic charter change.
“Medyo nakakataas ng kilay kasi vital ang kanyang position right now sa senado esp. medyo meron tayong looming charter change. Sa tingin ko, parang it’s still a political strategy na na-appoint siya. Given na meron siyang experience pero yung kanyang position as a senator is vital sa charter change. Walang aksidente sa pulitika sa Pilipinas. These are all planned,” sulti ni Beleno.
Nagtuo usab si Beleno nga gipili ni Angara ang DepEd tungod long-term kini kumpara sa iyang pagka senador nga usa nalang ka tuig.
Apan, sa katapusan nakita gihapon sa maong political analyst nga aduna nay igong kasinatian ug kaalam ang senador aron gunitan ang Department of Education ilabi pa nga daghan na kini og nadusong balaodnon.
RadyoMaN Ivy Parido
