Sen. Antonio Trillanes , nagapati nga ginahinabunan lang sang DOJ ang mga alegasyon batok sa pamilya Duterte nga ginbuyagyag sang Bikoy videos

Ginahinabunan lamang sang Department of Justice ang mga alegasyon batok sa pamilya Duterte nga ginbuyagyag sang Bikoy videos.

Ini ang pagpati ni Sen. Antonio Trillanes kasunod sang pagkadakop sang creator sang metrobalita.net nga si Rodel Jayme.

Ang metrobalita.net amo ang nagpublish sang mga Bikoy videos.

Pahayag ni Trillanes, cyber libel lang ang kaso apang bug-os nga pwersa sang Department of Justice kag NBI ang nagasala-sala.

Makatilingala suno kay Trillanes nga minor nga kaso pero DOJ ang nagapanguna sa imbestigasyon.

Nagapati si Trillanes nga posible may kamatuuran ang alegasyon ni Bikoy bangud sa hulag sang Malacanang.