Hinimok ni Senate Committee on Sports Chairman Christopher ‘Bong’ Go ang mga Pilipino na magkaisa at suportahan ang ating pambato sa FIBA Basketball World Cup 2023 na Gilas Pilipinas.
Hiling din ng senador sa taumbayan na ipagdasal na manalo ang Gilas Pilipinas sa laban nito sa Dominican Republic mamayang gabi.
Ayon kay Go, napakaimportante ng larong ito para sa bansa lalo na kapag nanalo ang Pilipinas sa unang laban ay mapupunta sa atin ang momentum para sa susunod na laban naman ng ating koponan kontra Angola.
Aniya, kapag nanalo laban sa Angola ay pasok na ang Pilipinas sa Top 16 at ito ang magiging batayan para mag-qualify ang Gilas Pilipinas sa susunod na Paris Olympics.
Dagdag pa ni Go, napakatagal na panahon nang mag-qualify ang Pilipinas sa Olympics kaya naman bilang ang bansa ang host country ng FIBA ay hinikayat niya ang lahat ng kababayan na ibigay ang buong suporta para sa ating pambato.
