Lakip gihapon nga natagan hin tag P3,000 nga hinabang an maabot 1000 nga mga myembro han TODA, solo parents ngan vendor ha mao nga lugar.
An mao nga hinabang in tikang ha Assistance to Individuals in Crisis Situation (AICS) nga programa han DSWD ipinaagi han opisina ni Sen. Go.
Dungan gihapon ha iya pagbisita ha Ormoc pagtambong han Ribbon Cutting Ceremony ha bag-o nga tindog nga Pentathlon Facility nga may fencing hall.
An mao nga multi-purpose facility in napondohan ipinaagi kan Sen. Go dida han tuig 2022 kaupod an Alkalde ngan Congressman nga Gomez.
Sumala kan Bong Go an Senate chairman han Committee on Sports, importante nga may maupay pasilidad an mga kabataan para ha sports agud mahirayo ine ha mga illegal nga aktibidad sugad han paggamit hin droga.
“Mapapakinabangan niyo po ito, inyo po ito. Good luck sa inyong mga future tournaments, kung may kailangan kayo bilang sa Committee on Sports tawagan niyo lamang ako,” siring ni Go.
Ginbisita ngan gin inspeksyon naman gihapon kakulop ni Go an Malasakit Center ha Ormoc City District Hospital. Naghatag naman gihapon hin hinabang an opisina ni Go ha mga kwalipikado nga benepisyaryo ha mao nga pasilidad.
Samtang, nagpasalamat naman hi Mayor Gomez ha bulig nga ginpadangat han senador ha mga Ormocanon.
“We are very grateful na nagpunta dito si Senator Go para makita sa mga tao kinsa ang nagdala ug kaayoan dinhi sa Ormoc, because our work is all about networking, it is also who we know, who can we tap to bring more good,” siring han Alkalde.
