CALINOG, Iloilo – Ginpangunahan ni Ilonggo Senator Franklin Drilon ang ceremonial ground breaking sang Jalaur River Multi-Purpose (JRMP) II sa Calinog, Miyerkules sang aga, Pebrero 27.
Nagtambong man sa groundbreaking sang proyekto sanday governor Arthur Defensor Sr., Ret. Gen. Ricardo Visaya, administrator sang NIA, kag ang mga representante sang Korean ExIm bank kag Korean embassy.
Ini ang ginakabig pinakadako nga dam project sa pungsod sa gwa sang Luzon suno kay Senator Franklin Drilon.
Ginkumpermar ni NIA administrator Ricardo Visaya nga ini ang isa sa mga big ticket projects sang ahensya.
Nagabalor ang proyekto sang P11.2 billion kon sa diin masobra sa P9 billion ang loan gikan sa Korean ExIm bank samtang ang nabilin counterpart sang national government.
Ginalauman nga matapos ang proyekto sa Setyembre 2022.
