STA. FE LEYTE – Maingay ang Public Attorney’s ooffice, ini an nagin pahayag ni Blue Ribbon Committee Chairman Sen. Richard Gordon durante ha issue han Dengvaxia. Ini in matapos nga nag-kaproblema an PAO ngan Department Of Health ha pag imbistigar ha rason han pagkamatay han mga kabataan nga gin-aaligar naturukan han dengue vaccine.
Ha pagbisita utro han Senador ha Leyte, iya ginmalatumat nga kinahanglan magburubligay nala an duha nga ahensya.
“Maingay kasi ang PAO, dapat tahamik lang at binibigay nila ang trabaho sa DOH para nagkakatulungan. Ang ingay nila, sabi kaagad Dengvaxia pano kung magdemanda tayo tapos mapatunayan na hindi dengvaxia, diba humina pa ang kaso natin.”
Ginsuguro naman han Senador nga kun mapamatud-an kun hin-o an responsible ha Dengvaxia issue in magbabayad ngan mag-aatubang hin kaangayan nga sirot.
“Kung mapapatunayan magbabayad sila, kahit hindi mapatunayan lahat ng ginawa nila magbabayad sila ng damages para sino man ang magkasakit for the next 20 years dahil na-inject ng Dengvaxia tutulungan nila.”
Gin-aghat naman han senador an publiko nga diri mahadlok ha Immunization Program han DOH tungod hini nga Dengvaxia issue, ini naman daw in subok na ngan diri dapat mahadlok an publiko.
