Nagpiyansa si Senador Gringo Honasan subong nga Biyernes sa kaso nga graft nga ginpasaka sa iya sang Sandiganbayan sa Biñan, Laguna regional trial court.
Huwebes, Agosto 10 sang nagpagwa sang warrant of arrest ang anti-graft court batuk sa senador bangud sa ginapatihan sala nga paggamit sang iya P29.1 million nga Priority Development Assistance Fund (PDAF) ukon bork barrel sadtong 2012.
Nagapangatubang si Honasan sang duha ka counts sang graft nga ginfile sang Office of the Ombudsman sadtong Agosto 1. Ginasiling nga sadtong Mayo 30, 2012 sang ginhatagan sang otoridad ni Honasan nga ihatag ang iya P29.1 million sa non-government organization nga Focus Developmen Goals Foundation, Inc. sa duha ka portion bisan nga wala nag-agi sa procurement rules.
Pero ginpanginwala naman ini ni Honasan.
————
LIKE OUR OFFICIAL FACEBOOK PAGE: www.facebook.com/ifmbacolod943
