Sa opisyal nga statement ni Senate Deputy Minority Leader Risa Hontiveros nananawagan kini kang Lao nga ibutyag ang giingong “Big Boss” nga nagluyo sa giingong sayop nga paggamit sa COVID-19 funds panahon sa pandemya sa nasud.
Dugang pa niini nga kinahanglang manubag si Atty. Si Lao ug iyang mga kauban, sa pag-pangabuso ug pagpangawat sa panudlanan sa publiko, samtang daghang mga Pilipino ang nagsakit, gigutom ug walay trabaho niadtong panahona.
Gani, matud pa nga ang pagkasikop kang Lao magsilbi nga leksyon sa tanan nga nag-abuso sa ilang mga posisyon.
Giingong mag-atubang ang dinakpan og kaso ubos sa Anti-Graft and Corrupt Practices Act tungod sa giingong pagkunsabo sa paghatag og P4 bilyones nga kontrata alang sa COVID-19 test kits ug gikatagdang adunay piyansa nga P90,000.
RadyoMaN Kareen Beltran
