Nagresign na sa pwesto bilang Senate president si Senator Aquilino “Koko” Pimentel III.
Ini matapos ginpirmahan sang 15 ka mga senador ang resolusyon nga nagaduso sang reorganization sang Senado kag ang pagpili kay Majority Leader Vicente Sotto bilang bag-o nga Senate President.
Lakip sa mga senador nga nagpirma sa resolusyon amo sanday Sen. Juan Edgardo Angara, Nancy Binay, Joseph Victor Ejercito, Francis Escudero, Sherwin Gatchalian, Richard Gordon, Gregorio Honasan II, Panfilo Lacson, Loren Legarda, Manny Pacquiao, Ralph Recto, Joel Villanueva, Cynthia Villar, Juan Miguel Zubiri, kag Grace Poe.
Suno kay Pimentel , iya gin-nominate si Sotto bilang masunod nga Senate president.
Dugang pa ni Pimentel nga very minimal lang ang disruption sa Senado sa pagpasa sang Senate presidency halin sa iya pakadto kay Sen Sotto.
Ginpahayag ni Pimentel nga isa ka kadungganan kag prebilehiyo nga magserbe bilang Senate president kaangay sang ginhimo sang iya amay nga si Sen. Aquilino ”Nene” Pimentel.
Suno kay Sen. Koko Pimentel nga sa tion magbag-o na ang liderato sa Senado, iya pagatutukan ang federalism campaign kag ang 2019 midterm elections.
Nahibaluan nga nagserbe si Sen. Koko Pimentel bilang Senate president sa sulod sang 22 ka bulan.
(photo from web)
