Pagadian City – Sadya nga gianunsyo ni Pagadian City Mayor Sammy Co ngadto sa mga nasunogan sa Barangay Dumagoc ning syudad sa Pagadian nga moduaw sa dakbayan si Senador Bong Go.
Petsa 13 niining bulan sa setyembre mao ang gikatakda nga adlaw nga motaak sa syudad ang senador dala ang mga hinabang ngadto sa kapin usa kla gatos ka pamilya nga nawad-an sa pinuy-anan dihang niulbo ang sunog takdo usa semana karong adlawa.
Kagahapon nag-apud-apod usab sa hinabang ang lokal nga kagamhanan sa syudad uban ang mga staff ni senador Go ug Ronald Bato Dela Rosa diin didto usab gihisgutan plano nga pagpahiluna sa mga nasunogan pinaagi sa tabang pinansyal ug mga gamit sa pagtukod sa balay.
Ang dul-an 40 ka pamilya nga nagpabilin sa Dumagoc Gym nihangyo sa mga opisyal sa syudad nga gahinan sila og katre ug tambal alang mga senior citizens og mga bata.
