Roxas City, Capiz- Ginpangunahan ni Senador Christopher Lawrence “Bong” Go ang distribusyon sang tig-3, 000, 000 million pesos nga financial assistance sa tanan sang mga banwa sa Capiz.
Ini ang naghalin sa Offfice of the President kag ginpain para sa mga biktima sang bagyong Ursula sa Capiz.
Kon mahibalu-an ang banwa sang Pontevedra ang nagbaton sang 5-million pesos kaupod ang syudad sang Roxas nga nagbaton man sang 5-million pesos,10-million pesos ang iya sang provincial government kag tig- 3 million pesos naman ang para sa mga banwa sa Capiz.
Tuman naman ang pagpasalamat ni Capiz Governor Esteban Contreras kay Presidente Rodrigo Duterte kag Senador Bong Go bangud sa financial assistance nga ginpadala sang Presidente sa senador para sa mga biktima sang bagyong Ursula.
Suno pa kay Contreras si Senador Go ang pinakauna nga nagsabat sang magpangayu sang bulig ang gobernador para sa mga biktima sang bagyong Ursula sa Capiz.
