General Santos City—Dili pa gihapon kontento si Senador Manny Pacquiao sa nahimong tubag sa mga tawong gi-imbestigahan sa mga senador kagahapong adlawa human malambigit ilang pangalan sa iskandalo sa Road Right Of Way.
Atol sa interview sa RMN-Gensan human ang unang hugna sa imbestigasyon nga kagahapon nga gipahigayon sa Sangguniang Panglungsod sa Gensan, gibutyag ni Pacquiao nga gikulangan pa sya sa mga nahimong tubag sa mga lambigit sa isyu.
Matud ni Pacquiao nga sa pagpadayon sa imbestigasyon karong adlawa daghan pa syang buot ipangutana tungod daghan pa syang gustong masayran bahin sa maong isyu. Dakong kwestyon alang sa senador ug nganong naproseso ang mga peke nga titulo. (Jordan Britos)
Giangkon usab ni Senador Manny Pacquiao nga alang kaniya alarming ang maong panghitabo ilabi na kay migawas sa imbestigasyon nga dunay mga sindikatong nagpaluyo maong iskandalo.
Giangkon ni Pacquiao nga padayon ang iyang pagkalap ug mga impormasyon ug mga dokumento aron nga maukay pa ang maong isyu.
