Sa pagbisita ni Sen Cynthia Villar sa dakbayan sa Dapitan iyang gipasabot ang pinaka mahinungdanon may kalabot sa pagpanguma ilabi na ang pag intercrop sa mga mag-uuma para modako ang kita niini sama nalang sa coconut farming.
Gibutyag pa ni Sen Villar nga kung mag intercropping ang mga mag-uuma sa lubi mokita kini ug P1,500 matag bulan pero kung sa kape ug kakaw mo kita ug P10,000 matag bulan kada ektarya.
Gidugang pa Sen Villar nga giingon ni Cong. Jaloslos nga lisod ang Zamboanga del norte partikular sa 3rd District kumpara sa 1st district ug 2nd district hinungdan nga kinahanglan i improve ang agrikultura sa 3rd district lakip ang mga mag-uuma para mahaw-as sa kalisod ang 3rd district sa Zamboanga del norte.
Nasayran usab nga 107 bilyones ang gahin sa national budget para sa department of agriculture samtang ang 40 bilyones anaa sa NIA para sa irigasyon.
Karon nga tuig mag pasar ug balaodnon si Sen. Villar para sa sector sa agrikultura aron mahatagan ug gahin, gani ang Coconut Industry Development Law anaa naman kini ga ong-ong sa Bicameral samtang karon nga tuig paningkamotan sa senadora nga mapasar ang Livestock-Poultry Dairy Development Law aron matabangan ang mga mag-uuma.
