Nagpahigayon karon og hearing ang Senate Blue Ribbon Committee kalambigit sa P6.4 billion shabu shipment nga nasakmit sa Bureay of Customs (BoC) gikan sa nasud-China.
Una nang gibahad ni Committee Chair Sen. Richard Gordon nga sa higayon nga magpabiling tameme si kanhi Customs Comm. Nicanor Faeldon sa iyang nahibaw-an sa maong iskandalo, dili halayo nga ang naulahi mahagbong ra gayud sa kalaboso.
Kahinumdoman nga ang maong shipment nahimong mas kontrobersiyal sa dihang nilutaw ang mga pangalan sa gi-alegar nga mga ‘Davao boys’ nga nagapangayuan ug ‘tara’ kun enrolment fees sa mga buot mo-operate sa maong transaksyon.
Una nang nadalahig mismo ang pangalan nila ni kanhi Davao Vice-Mayor Paolo Duterte ug City Councilor Nilo ‘Small’ Abellera, Jr.
RadyoMaN June Duterte
