Sa pakighinabi sa Davao media sa senador, iyang gihisgotan ang giingon ni Former President Rodrigo Duterte nga magmugna og Mindanao Republic kung asa ibulag ang Mindanao sa Pilipinas.
Gibarugan ni Bato nga parehong init lang ang ulo sa duha ka lideres ug pwede ra kining iagi sa maayong pag-storya tungod para kaniya dili mamahimong mabuwag ang Mindanao tungod usa ra ang Pilipinas.
Apan matud pa nga kung dili na kaya pa nga luwason ang relasyon sa duha ka kampo ug ang mga Mindanaoan na ang mag desisyon, wala siyay mabuhat kung dili ang musuporta nalang basta siguraduhon lang nga kini i-proseso sa sakto ug legal nga paagi.
“I would vote for the separation, legally, in a legal way. If pwede pang ma-save, we have to save it. We only have one Philippines. Huwag tayong mag-dismember sa ating bansa. I am a Filipino as much as I am a Mindanaoan,” pamahayag pa ni Bato.
Ug sa katapusan iyang gibutyag nga positibo siya nga pareho ang dagan sa hunahuna ni President Ferdinand Marcos Jr. ug ni FPRRD nga mao ang pagpalambo sa nasud.
RadyoMaN Ivy Parido
