Kinilala si presidential aspirant Senator Manny Pacquiao bilang world’s “Ambassador for the Homeless and Vulnerable” ng international philanthropic organization na Spring Rain Global.
Ang Spring Rain Global ay isang kilala at nangungunang international organizations na lumilikom ng pondo para iba’t ibang humanitarian projects lalo na sa third world countries.
Ang pormal na pagkilala kay Paquiao bilang world’s “Ambassador for the Homeless” ay isinabay sa kanyang pangunguna sa groundbreaking ceremony ng donasyon nyang community center ng housing development project sa reclamation area sa Brgy. Subangdako, Mandaue City, Cebu.
Kasabay ng kanyang pagbisita sa Cebu ay namahagi din si Pacquiao ng 10 generator sets na donasyon ng Veloce Esports and Team Pacquiao GG.
Tumanggap ng generator sets ang 10 komunidad sa Cebu na wala pa ring kuryente dulot ng pananalasa ng Bagyong Odette.
Samantala, sa kanyang bayan sa General Santos ang kick off ng kampanya ni Pacquiao.
Sisimulan ito sa pamamagitan ng isang caravan na lilibot sa General Santos bandang ala-1:00 ng hapon.
Masusundan ito ng isang proclamation rally alas-3:00 ng hapon na gaganapin sa oval stadium sa General Santos.
