Naging matagumpay ang isinagawang ‘Amazing Ang Pasko Christmas Giveaway’ ni Sen. Ramon ‘Bong’ Revilla Jr. kung saan siya namahagi ng napakaraming premyo at pangkabuhayan upang makatulong sa gitna ng pandemya.
Ito ay live na napanood sa Facebook at YouTube na pinangunahan mismo ni Revilla bilang host, kasama ang kaniyang may bahay na si Bacoor Mayor Lani Mercado-Revilla, Cavite Vice Governor Jolo Revilla, Moymoy Palaboy at Benjie Paras.
Bukod sa gadget na magagamit sa online classes, namigay rin si Revilla ng Noche Buena package at Kap’s pangkabuhayan package upang makapagsimula ng kahit maliit na negosyo ang mapalad na napili.
Dalangin naman ni Revilla na sa ating pagtutulungan, pang-unawa, at pagmamahal sa isa’t isa ay mas umusbong ang pag-asa at diwa ng kapaskuhan sa bawat pamilya sa kabila ng mga kinaharap nating pagsubok ngayong taon.
