Nahunong ug tunga sa adlaw kaganinang buntag ang trabaho sa Talisay Hall tungod sa napalgan ug giabandonar nga itom nga backpack nga gibalak-an adunay sud nga iksplosibo.
Ang bag nga wa masayri kung kinsay tag-iya nakamugna ug “bomb scare” hinungdan nga si Mayor Eduardo Gullas nisuspenso sa trabaho ug gipagawas ang tanang mga empleyado apil na ang mga tawo nga adunay transaksiyon sa lain-laing buhatan sa city hall.
Apan pagsusi sa bomb disposal unit sa Police Regional Office-7 nasuta nga personal nga gamit ug pangwelding ang sud sa itom nga backpack .
Apil sa gisusi sa mga otoridad ang tibook city hall aron ma-clear kini una gipabalik sa ilang mga buhatan ang naggawas nga mga empleyado .
Facebook Comments
