Sa interview sa DXDC RMN Davao kang Alyas Bibi, dili na buot pang magpaila sa publiko, gisaysay niini nga bandang alas 9 sa buntag sa usa ka warehouse, adunay duha ka babayeng miduol sa iyang inahan ug miagbay dala hangyo nga magpauban sa hardware kay aduna matud pay paliton.
Apan daw nawala sa kaugalingon ang senior citizen ug miuban ngadto sa mga babaye sulod sa sakyanan. Didto na matud pa kini gimasahe sa abaga ug kamot ug gisugo nga hubuon ang mga alahas. Ug ginaog sa sakyanan nga matud pa wala na hunahuna.
Sa dihang nakauli na ang inahan sa ilang balay, gisakitan kini og ulo ug nakatulog. Ug sa pagmata na, didto na niya nahinumdoman nga apil ang kwarta sa sulod sa iyang ATM card ang nahurot human kini giapil og withdraw sa duha ka babaye nga mukantidad og P20,000.
Walay kabutangan ang kasakit nga gibati ni Alyas Bibi nga magsud-ong sa iyang inahan tungod mag sige matud pa kini og hilak kung makahinumdom sa nahitabo.
Gisuwayan usab og kuha sa DXDC RMN ang bahin sa Malita Municipal Police Station apan wala na mihatag pa og kompletong detalye ug nanaad lang nga aduna silay imbestigasyon sa maong insidente.
RadyoMaN Ivy Parido
