Ginbuno patay samtang nga naga-inom inom ang isa ka senior citizen sa Barangay Banga, banwa sang Candoni, Negros Occidental, Lunes sang gab-i, Disyembre 28.
Ginkilala ang biktima kay Francisco Dodria, 60 anyos, residente sang amo nga lugar.
Suno sa Candoni Municipal Police Station, naga-inom inom ang biktima sa balay sang suspetsado nga ginkilala kay Samson Baladhay, 60 anyos sang may natabu nga pagsinabtanay sa tunga sang duha.
Diri na kag ginbuno sang makapila ka beses ni Baladhay si Dodria.
Gindala pa sa ospital sang banwa ang biktima apang gindeklarar nga dead-on-arrival.
Gilayon man nga nagsungka ang suspetsado kag karun ang naka-detain na sa custodial facility sang Candoni MPS.
[image: image.png]
Facebook Comments
