Davao City – Blangko pa ang kapulisan sa motibo sa pagpamusil sa usa ka senior citizen didto sa Prk 6-A Merville , Barangay Magdum, Tagum City.
Sa impormasyon gikan kang Police Lieutenant Colonel Jeffrey Latayada, ang Chief of Police sa Tagum City Police Station, giila ang biktima nga mao si Erlinda Limbaga Jumawid, 65 anyos nga residente sa nasangpit nga lugar.
Sa imbestigasyon, nasayrang naglingkod lang sulod sa ilang panimalay ang biktima sa dihang kalit mibutho ang suspect ug gisulod ug gipusil siya sa duha kahigayon ug dayong sibat padulong sa wala mahibal-ing direksyon.
Hinuon, dali kining girespondehan sa kapulisan ug gilayong nadala sa Regional Medical Center alang sa immediate medical attention. Ug sa karon, nagpaalim na si Jumawid sa iyang nahiagumang samad pinusilan.
RadyoMaN Ivy Parido
Facebook Comments
