Sa pakighinabi sa DXDC RMN Davao sa Bansalan Municipal Station (MPS), gikumpirma nilang nasikop na suspect nga giilang si Ronit Villarin ug muatubang kasong murder nga gipasaka batok kaniya.
Sa impormasyon gikan sa Bansalan PNP, nigula sa imbestigasyon nga una nang nidangop ang biktima sa Barangay Hall aron nga musumbong gihiloan matud pa ang iyang manok unya ang gitudlong nanghilo mao si Alyas DOY.
Taud-taod kalit niabot si Alyas DOY kauban ang iyang amahan nga suspect ug gibira niya ang buhok sa biktima ug giparok pa ang ulo sa pultahan.
Gisuwayan pa og pugong ang suspect apan nikuha na kini og sundang ug gitigbas ang biktima hinungdan sa iyang hinanaling kamatayon.
Butyag sab sa anak niining si Krisha Montero Sawan nga bag-uhay lang nagsaulog sa adlaw’ng natawhan ang iyang inahan ug wala kini mahimo kung dili hinay-hinayon og dawat nalang ang nahitabo bisan matud pa sangko sa langit ang kasakit nga ilang nabatian.
RadyoMan Ivy Parido
