Pumanaw na ang senior citizen na inatake sa puso kagabi habang nagmamaneho ng SUV.
Sa inisyal na ulat ng Quezon City Police District (QCPD) Traffic Sector 6, rumesponde bandang alas-dose kagabi ang mga miyembro ng Metropolitan Manila Development Authority (MMDA) rescue sa pagbalagbag ng kulay silver na SUV sa tunnel ng Quezon Avenue tunnel Eastbound lane dahil sa idinulot nitong matinding pagbabagal ng daloy ng trapiko.
Ayon sa paunang impormasyon ng QCPD Traffic Enforcement Unit, sumampa sa gutter sa paahong bahagi ng tunnel ang minamanehong SUV ng mahigit 70-anyos na di pa nakikilalang lalaki.
Ayon sa QCPD, idineklarang dead on arrival ang senior citizen sa Philippine Heart Center.
Facebook Comments
