Dipolog City-Maayong pagka ugdaw sa mga balay didto sa may Igot-Turno, Dipolog City human kini gilamoy sa nag ulbo-ulbo nga kalayo mga 4:15am sa kadlawon kapin kun kulang.
Ang kalayo nagsugod kini sa panimalay ni Benjamin Quintero, ug mikuyanap na kini sa balay sa iyang mga silingan, tungod kay ginama lamang kini sa mga light materials dali nga nanga-ugdaw.
Saysay pa sa asawa sa biktima nga si Emehelda Quintero, sa dihang na duktan na sa kalayo ang kahoy sa ilang balay, dali matod pa mikuha ug balde si Benjamin aron sabyagan ug tubig ang kalayo, apan dali kayo nga mikuyanap ang kalayo niini.
Samtang pagawas na ang asawa ug apo sa biktima sa ilang balay, kalit lamang matod pa na tumba ang biktimang si Benjamin ug natumbahan pa ang iyang apo niini nga babaye, tungod usab kay mga senior citizen na, wala na mabira sa asawa ang iyang bana hinungdan nga naapil kini ug kasunog.
Gituohan nga suffocate kini sa aso nga maoy hinungdan nga nakuyapan kini ug nasugba na hinuon sa kalayo.
Ang asawa sa biktima ug apo niini, nakaangkon usab ug mga paso sa ilang lawas atoll sa mao nga hitabo, apil usab ug kasunog ang duha ka motor sa biktima niadtong higayona.
Moabot sa napulo ka mga balay ang nasunog kini base sa saysay sa usa ka residente didto.
Ang maong mga biktima sa sunog pulos lamang kini sila nag abang sa yuta ni Saturnino Rosal.
Hinungdan sa sunog mao ang kandila nga gihimong suga niadtong higayona tungod kay wala usab kuryente sukad pa sa 12:00AM sa kadlawon sa wala pa nahitabo ang sunog.
Gibana-bana nga moabaot sa 200mil ang nahimong danyos sa natigayon nga sunog kagahapon.
Ang biktima halos tapot lawas sila ug wala gayud nila na salbar ang ilang mga gamit tungod sa kalit nga sunog.
