Arestado ang usa ka senior citizen atul sa gipahigayon nga Police operation sa mga kawani sa Valencia City Police Station nga gipangunahan ni PltCol Cipriano V. Bazar, Jr., kaniadtong Hulyo 8, 2021 sa may alas 10:45 sa buntag didto sa Sugarland, Lumbo, Valencia City, Bukidnon.
Naila ang naaresto nga si Melvin Maquilang y Pabillar aka Alias Boy Maquilang, 65 anyos ang pangidaron, usa ka balo ug residente sa naasoy nga dapit.
Ang suspek naaresto pinaagi sa warrant of arrest sa kasong malicious mischief nga naka dock ilalom sa Criminal Case no. 109-17 nga gi isyu ni Hon. Nelison U. Pajarillo-Salcedo, Presiding Judge sa Municipal Trial Court in Cities (MTCC), Valencia City Bukidnon, pinitsahan Hulyo 8, 2021 nga adunay girekomendang piyansa nga Php 2,000.
Sa pagka-karon, temporaryong gibalhog sa Valencia City Police Station ang suspetsado alang sa tukmang disposasyon.
