Molave, Zamboanga del Sur – Patay dihadiha ang usa ka senor citizen human kini ang nabanggaan didtong dapita sa National Highway, Rizal Avenue cor. Quezon Street, Barangay Madasigon, Molave, Zamboanga del Sur samay alas 6:10 ang takna sa buntag kagahapong adlawa.
Naila ang biktima nga si Alfredo Manaya Borongan, 71 anyos ang panuigon, lalaki, usa ka mag-uuma, residente sa Purok Greenhills, Barangay San Isidro, Mahayag Zamboanga del Sur nga maoy nagmaniho sa usa ka SRM Priemo S, color itom nga motorsiklo.
Aksedenting nabanggaan sa usa ka Fuso Wing Van Truck, color blue, nga na rehistro sa pangalan ni Jose Micheal Meiko A. Wong, taga National Highway, Barangay Uno Katipunan, Zamboanga del Norte ug gimaniho ni Jonnyver Montomo Agecia, 44 anyos, minyo ug residente sa San Antonio, Polanco, Zamboanga del Norte.
Base sa initial imbistigasyon sa kapolisan ang maong Fuso Wing Van gikan sa Cagayan de Oro City paingon sa Bacolod City ug miagi sa Molave ug sa dihang miabot sa dapit hitabuan aksidenting nabanggaan ang maong motor. Ang biktima nakaangkon ug grabi nga injuries sa ulo niini og gidala sa Salug Valley Medical Center para sa medikasyon apan gedeklara kini nga patay sa iyang attending physician.
Ang driver sa wing van ang boluntaryong mitahan sa iyang kaugalingon ngadto sa Molave Municipal Station sa ug mag-atubang sa kasong reckless imprudence resulting to homicide ug kasamtangan naka nakakostodya sa maong police station.
