Dapitan City – Wa kaagwanta sa kabugnaw sa tubig baha ang usa ka senior citizen nga ginang human nahumol kapin sa oras hinungdan namatay, didto sa Barangay Ilaya sakop sa dakbayan sa Dapitan.
Ang biktima naila nga si Lydia Bael Japay, 66 anyos, usa ka byuda og mulupyo sa susamang dapit.
Sa interview sa rmn dxdr sa anak niining babaye nga si Honey Nuecar Galanido nibutyag bandang ala una sa kadlawon naluwas na sa mga rescuer ang iyang inahan og diha na kini sa daplin sa highway.
Matod niini, nibalik ang iyang inahan aron luwason ang iyang binuhing iro nga atoa sa may landahan apan wala na kini makabalik human natrap og apil gumikan kalit kaayo ang pagtaas sa tubig baha og didto na nahumol.
Gikaigon pa nga nakuha pa unta pagbalik sa mga rescuer ang iyang inahan apan kalit kining nikurog, nawad-an sa panimuot og namatay samtang ang iro niini naluwas.
Gidungang pa sa anak nga dili kaagwanta ang iyang inahan paghumol sa tubig kon diin panahon sa niaging baha kanunay kining magkurog sa katugnaw.
