Polanco Zamboanga del norte – Patay ang usa ka senior citizen human makuryentehan sa daut nga outlet sulod sa ilang balay didto sa Purok Rubia, Barangay Magangon, lungsod sa Polanco, Zamboanga Del Norte, ang sa niaging adlaw pasado alas 2:00 sa kahaponon.
Base sa report gikan sa Polanco Municipal Police Station naila ang nakuryentehan mao si Donisio Oga Nelles, 75 anyos, minyo og nagpuyo sa maong dapit.
Migawas sa imbestigasyon sa kapolisan sa polanco, nga sumala pa sa mga silingan niini mga alas 11:00 pasado sa buntag ang biktima namatikdan nila nga diha lang sulod sa ilang panimalay, naminaw sa radio ingon man naglantaw’g salida sa television diin aksidenteng nahikapan niini ang dauton nga bahin sa outlet na dunay kuryente hinungdan nga kini nakuryentihan, niresulta sa dihadiha nga kamatayon.
Lup-og na kini sa salog dihang natibawan.
