Molave, Zamboanga del Sur – Kasong Reckless Imprudence Resulting to Homicide ang gi-andam karon sa kapulisan batok sa driver nga nakaligis patay sa 75-anyos nga Lolo sa National Highway sa Barangay Sudlon, Molave, Zamboanga del Sur.
Dead on Arrival sa ospital ang biktima nga si PABLITO GALLANO, lumulupyo sa Brgy. Sudlon, Molave niining probinsya.
Sa inisyal nga imbestigasyon sa Molave Police, samtang nagdagan ang Honda wave, color pula nga dunay kombinasyon sa itom, gikan sa Molave paingon sa lungsod sa Bonifacio pinaagi sa pagmaneho ni IAN ABEL, 35-anyos, taga-Barangay Demetrio, Fernan, Bonifacio, Misamis Occidental apan dihang nahidangat sa National Highway sa Barangay Sudlon, Molave kalit nga nitabok ang biktima nga senior citizen.
Gumikan sa kakusog sa impact wala na makontrolar sa driver ang motorsiklo ug nabagnos sa kalsada nga miresulta sa pagkasamad sa sakay nga si BLENDEZZA ABEL ang kapikas sa driver.
Sa nahipos nga impormasyon sa RMN-Newsteam nitahan ang driver sa motor human kini nakahiling sa iyang samad ug bun-og sa lawas dihang iyang nasayran nga nakabasan ang tiguwang nga iyang naligsan.
